بعد تعديلات في القصيده اللي إتسرقت
《 ﻗﻬﻮﻩ ﻓﻲ ﺣﺎﺭﻩ 》
ﻗﺪﺍﻡ ﺑﻴﺘﻨﺎ ﻓﺎﺗﺢ ﻗﻬﻮﻩ
ﻻﻣﺎ ﻛﻞ ﻭﻻﺩ ﺍﻟﺤﺎﺭﻩ
ﻫﻮﺏ ﻓﺠﺄﻩ .. ﺣﺼﻠﺖ ﻛﺎﺑﺴﻪ
ﻣﺴﻜﺖ ﻛﺎﻡ ﻭﺍﺣﺪ ﺑﺴﺠﺎﺭﻩ
ﻗﻌﺪﻭﺍ ﻛﻞ ﻭﻻﺩ ﺍﻟﺤﺘﻪ
ﻳﺤﻜﻮﺍ ﻓﻴﻬﺎ ﻗﺼﺺ ﺑﺠﺪﺍﺭﻩ
ﻭ ﺃﻧﺎ ﻓﺎﺿﻞ ﻗﺎﻋﺪ ﻉ ﺍﻟﺪﻛﻪ
ﺃﺳﻤﻊ ﻣﻦ ﺧﺎﻟﺪ ﻭ ﻋﻤﺎﺭﻩ
ﻭﺍﺣﺪ ﻗﺎﻝ ﺃﻧﺎ ﺟﺎﻱ ﺑﺎﻟﺤﺎﺑﻜﻪ
ﻟﻘﻴﺖ ﺍﻟﺒﻮﻛﺲ ﺑﻴﺪﻱ ﺇﺷﺎﺭﻩ
ﻗﻮﻣﺖ ﺭﺟﻌﺖ ﻑ ﻧﺺ ﺍﻟﺴﻜﻪ
ﺃﺻﻞ ﻣﺎﻛﻨﺶ ﻣﻌﺎﻳﺎ ﺑﻄﺎﻗﻪ
ﻭ ﺍﻟﺘﺎﻧﻲ .. ﺃﻧﺎ ﻫﻨﺎ ﻣﻦ ﺳﺘﻪ
ﻛﻨﺖ ﺑﺨﻠﺺ ﺷﻐﻞ ﻣﺤﺎﺭﻩ
ﺷﻮﻓﺖ ﺷﺒﺎﺏ ﺑﻴﻠﻔﻮﺍ ﺑﺎﻛﺘﻪ
ﺭﻭﺣﺖ ﺃﻧﺎ ﻣﺎﺷﻲ ﻭ ﻗﻮﻟﺖ ﺣﻘﺎﺭﻩ
ﺭﺩ ﺍﻟﻮﺍﺩ ﺃﺣﻤﺪ ﺃﺑﻮﺳﻨﻪ
ﻗﺎﻟﻲ ﺳﻤﻌﺘﻚ ﻗﻮﻟﺖ ﻋﺒﺎﺭﻩ
ﻗﻮﻟﺖ ﻫﻜﻠﻢ ﻋﻴﻞ ﻧﻮﻧﻪ
ﻛﺎﻥ ﺑﻴﺮﻭﺡ ﻣﻊ ﺇﺑﻨﻲ ﺣﻀﺎﻧﻪ
ﺃﻣﺎ ﺍﻟﺜﺎﻟﺚ ﻳﺒﻘﻰ ﺃﺑﻮﻣﻨﻪ
ﻓﺎﺗﺢ ﺟﻨﺐ ﺍﻟﻘﻬﻮﻩ ﻋﻄﺎﺭﻩ
ﺷﺎﻑ ﺍﻟﻨﺎﺱ ﺇﺗﻠﻤﺖ ﻓﺠﺎﺀﻩ
ﻭ ﺍﻟﺒﻮﻛﺲ ﺑﻴﺠﺮﻱ ﻃﻴﺎﺭﻩ
ﻭ ﺃﻧﺎ ﻗﺎﻋﺪ ﻭ ﺍﻟﻜﻞ ﺑﻘﺼﻪ
ﻭ ﺍﻟﻤﻄﺮﻩ ﺑﺘﻨﺰﻝ ﺑﻐﺰﺍﺭﻩ
ﻭ ﺍﻟﻠﻲ ﻳﻘﻮل ﺃﻧﺎ ﻛﻨﺖ ﻑ ﺟﻤﺼﻪ
ﻭ ﺍﻟﻠﻲ ﻳﻘﻮﻝ ﻛﺎﻥ ﻋﻨﺪﻱ ﺯﻳﺎﺭﻩ
ﻓﺠﺄﻩ ﻟﻘﻴﺖ ﺑﻴﻨﺎﺩﻭﺍ ﻋﻠﻰ ﺟﺜﻪ
ﻗﺎﻟﻮﺍ ﻣﺤﻤﺪ ﺃﻟﻒ ﺧﺴﺎﺭﻩ
ﺧﺎﺭﺟﻪ ﺑﺴﺮﻋﻪ ﺗﺼﻮﺕ ﻧﺴﻤﻪ
ﻭ ﺃﻡ ﻓﺎﺭﻭﻕ ﻭ ﻋﺒﻴﺮ ﻭ ﺳﻤﺎﺭﻩ
ﻭ ﺑﺪﺃﺕ ﻗﺼﻪ ﻏﻴﺮ ﺍﻟﻘﺼﻪ
ﻭ ﻛﻠﻪ ﻓﺎﻛﺮﻫﺎ ﺗﺒﻘﻰ ﺷﻄﺎﺭﻩ
ﻗﻮﻟﺖ ﺃﻧﺎ ﺗﻮﺑﻪ ﺃﻗﻌﺪ ﻉ ﺍﻟﻘﻬﻮﻩ
ﺃﻭ ﺃﺳﻤﻊ ﻛﻠﻤﻪ ﻣﻦ ﺟﺎﺭﻩ
ﺃﺻﻞ ﺍﻟﻘﻬﻮﻩ تجبلي انا ﺷﺒﻬﻪ
و انا راجل شغال ف وزاره
حد يشوفني و يلقط كلمه
يبقا ساعتها هغني خساره
#حسان_غانم
و تم نشرها باليوم السابع
