نفسى عزه احمد ابو زيد
نفسى
نفسى اعمل حاجه غريبه
امشى على البحر اتمشا
واجيب شمسيه جميله
وعز الظهر اتعشا
على نجم وعلى سهرايا
بتغنى القمرا معايا
ونلم بنات العيله
ونغنى غنوة جميله
والرمله هى المرسا
عالشط ننط الحبل
ونرش كمان الميا
والضحكه جميله وعليا
يتلموا الناس حواليا
مجنونة وعايشه ف حالى
بين شط وخضرا وميا
عايزة اركب المرجيحه
ف المرسى ابو العباس
واكل جيلاتى من مكرم
واحبسها بشيشه يا ناس
انا نفسى الف الكون
ويقول مجنون مايقول
واقف على العربيه
واشرب حمص شام
واروح كمان القلعه
النا س من الحر والعه
والجو هناك جميل
بيشفى كل عليل
واقول انا اتهنيت ،
ع الشط لما جيت
، ودعت شغل البيت
، وفضيت لأحبابى ،
والموجه وصحابى
، ساعات وعشناها ،
ولا مره ننساها
، ولا أنسى فسحتها
، ولا أنسى أحبابى
