قلبى انوجع
لما سمع
ان الغدر والخيانة
خدوا احسن جدع
كان زين الشباب
لا يلوم ولا يعاتب
كل الناس بتحبه
له من كل بلد صاحب
امه جالها الخبر
قاد فى صدرها نار
ومن حرقه قلبها
جالها انهيار
ووالده انكسر ضهره
م خلاص راح سنده
ربنا يلطف بيه
من مصيبه
حطت عليه
طلعت الناس من ديارها
على صوتهم وهما بيصرخوا
الام تصعب عليك
من فراق ابنها
كل يوم
بنهار جديد
بلدى تقدم
كام شهيد
ورغم كل المحن
تقوى الإرادة
والعزم يصبح
من حديد
كلماتى
الشاعر نبيل محمد أمين
