إمتى هنعقل
بقى ونختشى
والعمر أيام
ويقولوا مشى
ناس أكلونا حمير
وناس اكلونا كلاب
وناس بيخلطوا لتنين
وكلو بيتحشى
عملولنا الكباب
من لحم الكلاب
وفينك يا حكومه
متلمى وقفشى
عاوز فلوس
ع الناس ودوس
اكلهم حمير
إرمى الضمير
وثق علاقتك
بكام مرتشى
حج وتوب
واغسل ذنوب
ولا كأنك عملت شى
سمم لنا العشا
وقوم صلى العشا
وقول يللا يا كفى
لمى وكوشى
اضحك وغيظنا
وانتا شايفنا
وواقف سعيد
أوى ومنتشى
يخرب بيوتكم
فره تاخدكم
ونقول عليكم
كلب ومشى
إمتى هنعقل
بقى ونختشى
منير خاطر