ان كان ع الدمع احنا بكينا
وان كان ع الصبر استنينا
مدينا ايدينا للدنيا
والدنيا ولا سألت فينا
وبدانا نراجع افكارنا
وهو يوم وري يوم احنا احتارنا
ولا بنلاقي اللي يقدرنا
ولا حد بيعرف مقدارنا
ولاكان بايدينا ولا اخترنا
ويطلع كل الحق علينا
اتهدينا
واحنابتتبدل احلامنا
واحنا بتتحلل معانينا
ؤبقينا نخاف من ايامنا
وبقينا نشك ف بعضينا
بنعدل حتي ف احلامنا
علي قد الهم اللي مالينا
اتهدينا
والخوف من بكرة مسوينا
مركب عايم وسط الميه
والراكب مش شايف مينا
اتهدينا
وبقينا نغير مبادئنا
وبقينا بننكر اسامينا
وان كان ع الدمع احنا بكينا
وان كان ع الصبر استنينا
سمير فتحي
اتهدينا