ارحمووووونا
طول عمرى نفسي اكون
واحد من الشعراء
اكتب كلام موزون
يستحسنه القراء
وقابلت ناس شعراء
اتمنا اكون زيهم
الكلمه فوق الورق
فيهه نبض من قلبهم
مالكين نواصى اللغه
وبلاغه الالفاظ
والكلمه فى عرفهم
كائن وله احساس
وقابلت ناس تانيين
شعراء على قدهم
بيرسوا بس كلام
وفى ناس تسقف لهم
ليكات وكمنتات
من ناس اكيد زيهم
لحد ما يفتكر
انه اديب القرن
وكلامه لو تقراه
ترميه فى اقرب فرن
مش كل سجع كلام
حنقول عليه اشعار
ويجف نبع الادب
والفاكهه تبقى خيار
د الشعر ده احساس
او تجربه شاعر
بيبلور الاحساس
لمعانى ومشاعر
والفكره ليها مخاض
من يوم لحد السنه
تخرج لنا الابيات
موزونه بالمسطره
ولا ...........أه
ارحمووووووونا