كانت مشاركة منى لقصيدة الشاعرة ميمى عبد الجليل وبنفس العنوان
ياطالع الشجرة
==================
ياطالع الشجرة
وسايبنى أنا أعانى
رايح تجيب ثمرة
والشمس وجعانى
مليانة بالسكر
ودايبة فى كيانى
دا أنا كنت بستانى
لما الزمان جانى
وقاللى على الشجرة
دى فروعها دى أمانى
قلت له أطلع وهات تمرة
أزرعها فى سنينى
تطرح لى بالبسمة
وتمسح لى أحزانى
أنا واقف بقالى سنة
مستنى حبة هنى
من شجرة مسحورة
تنزل ببنورة
فيها علاء الدين
أو حتى على بابا
هقف كمان سنتين
مستنى أنا يا با
الفرحة والأمانى
تتقل على الأغصان
وبأمر ربانى
تنزل على زمانى
تزلزل الأيام
وتكتب لى عنوانى
==============

====================
أيمن طه