الضحكة ( أغنية )
................................
م العيشة و اللى عايشينها
طول م الضحكة حايشينها
يا عم اضحك انت و هو
يا شيخة اضحكى بالقوة
و كفايه بقا أحزان
و كل شيئ بحساب و ميزان
كفايه تفكير بزيادة
و الله خلقنا بس للعبادة
عيشوا الحياة بأى طريقة
و لو هتهربوا من الحقيقة
لا الضحكة هتمنع خبر
و لا هتحوش عنك قدر
اضحكها بس و خلاص
يمكن يكون فيها الخلاص
اهرب يا مؤمن
اهرب من واقع مؤلم
و ارمى حمولك على الله
و افرد طولك و قول الله
و اضحك فى وش الناس
و عيش اللحظة و الإحساس
هتفضل عالى ما هتنداس
و اللى سقاك المر
هيشرب من نفس الكاس
دا ربك نهانا عن الحزن
و دعانا ناخد بعض بالحضن
و البسمة فى وش اخوك صدقة
اعملها و لو من باب الشفقة
ليه الضحكة عننا غابت
و الضحكة عمرها ما عابت
تيجى تضحك يقولك بتضحك ليه
كإن الضحكة أصبحت غريبة عليه
....................................
بقلمى محمد أبوالمعاطى