هذه مختارات من أجمل المربعات لابن عروس

فَرَطت قِلعِي ما جانيش ريح
وعاودت ع البَر ناوي
ياما ناس زيِّنا مجاريح
لكين صابرة ع البلاوي

#####
الليـل مـا هـو قصير
إلا على اللى يـنامـه
والشخـص مادام فقير
ما حد يسمـع كلامه

#####

ولابد من يـوم معلـوم
ترتــد فيـه المظـالم
أبيض على كل مظلـوم
واسـود على كل ظـالم

#####

كيد النسا يشبـه الكى
من مكرهم عدت هارب
يتحزمـو بالحنـش حى
ويتعصبـو بالـعقـارب

#####

سكت الهَوى والناموس طار
والسبع طاطا بعينه
خليه دا النومِ أستار
لما الكلب ياخد يومينه

#####
كلام الغَرَأبا حِمِلناه
فات علينا كما ريح هاوي
كلام القرابا إخ منَّاه
وياجي فوق فرش الكلاوي

#####

أنا باوَحِّد اللي خلق الناس
خلق مسلمين ونصارى
وناس نامت على فَرش وِكْناس
وناس ع المعايش حيارى

#####

اللي حبنا حبناه
وصار ماتعنا متاعه
واللي كرهنا كرهناه
ويحرم علينا اجتماعه

#####

شوف الزمان انتهت عَدَليه
وادي البُطْل ع الحق راكِب
جه السبع يُطلُب عدليه
لَقَي الهِلف ع التخت راكب

#####

إوعى تقول للنـدل يا عـم
وان كان على السرج راكب
ولا حد خالى من الهم
حتى قلوع المـراكب

#####

طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق

#####

يا قلبي إوعى تعاشر الدُون
ولا تكلِّمُه بالاشتراحة
تكلمه الكلامِ موزون
تلقاه يرد بقباحة

#####

جاني طبيبي مع العصر
وف إيده ماسك عصاية
اتاري طبيبي قليل أصل
من خصمي جابلي الوصاية

#####

إوعى تقول للندل يا عم
ولوكان على السرج راكب
ولا حد خالي من الهم
حتى قلوع المراكب

#####

مسكين من يطبخ الفـاس
ويريد مـرق من حـديده
مسكين من يعاشر النـاس
ويـريـد من لا يـريـده

#####

غربي بلدنا بلد سيح
وادي الهِلف ماشي ورانا
مش عيب كراسي التماسيح
تقعد عليها "الوِرانا"؟

#####

مع تحياتي محمد عدلي محمد