ديوان تغريدان فى حكم الاخوان قمت بكتابته اثناء فترة حكم الاخوان وهى عام واحد والحمد لله تم النشر اثناء حكم الاخوان للقصائد ( حالو ياحالو – إمعة – رثاء – حرف تسعة – فناكيش – نهضة - براءة – يامصر ابنى – ياأسمك أيه ) من اجمالى حوالى 30 قصيدة تقريبا انشر منها بعض القصائد لتعريف القراء الكرام بالديوان
كتبت هذه القصيدة أثناء تفصيل الدستور على يد ترزية الدساتيرمن الاخوان بعنون حالو ياحالو
حالو ياحالو
دستور بلدنا يشلو
ياشعب أصيل
واكل فى نجيل
شارب من نيل
صابر على ذلو
راح أمتى تفوق
وتقول مدعوق
واحد يمسك
والتانى يسوق
طب لزمته أيه
تصرخ وتموت
وتقول حقى
وتقول مسروق
وتقول فلو
ياشعب أصيل
ساكت بجميل
مستنى تشوف
راح يمشى يمين
أو يمشى شمال
ولا فى ظله
بس الدستور
ده شئ مسطور
يعنى لكله
والناس خايفه
لتروح ماتجيش
يبقى الخفافيش
لعبو فى الفيش
خلوها ظلام
والشعب نيام
يعنى دهولو
وضحكوا عليه
قالوا نعمين
فوق الستين
والشعب ده مين
أحنا الحلوين
وبتوع كله
اعلامنا يقول
ويعيد ويزيد
ياجمال نظمه
ياجمال رسمه
ياجمال أمه
ده كلام مشموم
إعلام ملاحيس
كله فى الهيس
يسلم فموه
ياشعب أصيل
بعد الدستور
لازم ترحل
وده شئ مقسوم
كله مسموم
فاكر إنه
فوق كل قانون
فوق اى زبون
فوق حتى الشعب
اللى يقوله
أمير المنشاوى
أعجبني
