بداية حب
=============================
بلاش تعاند خطوتك
"""""""""""""""" وسيبها تجيبك حيينا
الخطوة عارفة سكتك
"""""""""""""""" ونص قلبك عندنا
ذكرياتك ومذكراتك
"""""""""""""""" والحنية والطيبة هنا
سيب المشاعر توجهك
"""""""""""""""" دى اللحظة فى عمرنا بسنة
مش هلومك على اللى فات
""""""""""""""" ودى صفحة بيضا فى حبنا
ننسى العذاب والفراق
"""""""""""""""""" والحب وحده يضمنا
والورد يطرح بدل الشوك
""""""""""""""""" لما القسوة تطلع من قلبنا
أنا وشوشت النسيم
"""""""""""""""""" يبقى هواه دايما نحونا
هلملم اللى باقى من الشوق
"""""""""""""""""" ونبدأ ميلاد جديد لحبنا
=============================

أيمن طه