شكرا يا صاحبي
قلمى انكسر زى الحروف موجوع انا من كلمه صداقه
جوايا منكم الف خوف وبشكر كل من سال عنى وبشياكه
فيه ناس هنا اصحاب كلام وناس موجوده والسلام
وناس بتوجع فينا بس وناس نغيب القلب يحس
كتب المرض على جسمنا اكبر حروف
وناس عارفه بالتعب ومش عاوزة تشوف
ناس جميله اصحاب فرح نبعد بعيد او ننجرح
تروح بعيد وتعمل فريدعاوز اعمل صاحب واحد جديد
اصل صاحبى اللى كلت معاه عيشى وملحى
عمل فريد وباعنى فى جرحى
طيب براحتك ياصاحبى براحتك
بكرة الزمان يدور وتنسى كدبك وتشوف صراحتك
لسه فاكر طلبى اللى طلبته منك وانا فى السرير
حتى فى عز مرضى كنت شايفك منى بتغير
ارحم نفسك يا صاحبى دانا عبد الله الفقير
لاانا قبطان ولا فارس ولا حتى فى الشعر امير
بس ممكن اكون عند ربى افضل بكتير
---بقلم---محمود فرج----------
