يا عرب يا عرب
يا عرب يا اهل مصر
اللي خانوا العهد بينا
واستباحوا كل حاجة

واستهانوا بالعروبة
واستكانوا للخواجة
مستحيل هيكونوا منا
احنا حاجة وهما حاجة

هما باعوا البندقية
والوطن والجلابية
واحنا اصحاب القضية
احنا ما بنبعش مصر

يا عرب يا عرب
يا عرب يا اهل مصر
يطلع الدجال بزيفه
يملا بحر النيل ضباب
ينزل الجلاد بسيفه
يزرع الموت والخراب
يطول الليل زى كيفه
الصباح له الف باب
واحنا بوصلتنا ف ادينا
ماتخافوش م الليل علينا
مهما غبتوا عن عنينا
انتوا جوه في قلب مصر
‫#‏الفاجومي‬