(صداقة غير معهودة )
المخدة ..
واكلة عمرى ف الانتظار
اشكيلها حبة
واحضنها حبة
واللى بيولع ف قلبى
الف حشد من التتار
كل ما اتوقع تجينى
اتلاقينى ف بحر نار
قسوة فاترة
كالزلازل لما بتغير
مسار
ضحكة ماسخة
زى قرد ف عهد موسى
كان بشر
بالمسخ متحول لعار
المخدة
روحى فيها
تسمعنى وقت الكل عنى
ساب دموعى
ملح صافى
ونجوى سبخة
فوق أراضى الانتظار
لا اتعاتبنى
ولا اتحارنى
واقفة جنبى بحب وافى
ولما انهنه تحتوينى
وقابلة منى الاعتذار
الشاعر وحيد راغب