Tarek Elsayed
يارب
واقفين نتحايل على حال مايل
واقف بينا وبين أحلامنا
ليه يازمانا واقف لنا حايل
ليه ياورانا بتيجى قدامنا
شيلنا بدال الحمل حمايل
تعبت من صبرنا أحمالنا
يارب ياعالم هاتها جمايل
حلى يارب مرار أيامنا
وخلى يارب مابينا عمار
تلبس أرضنا توبها خضار
وإطرح فيها البركة يارب
نلاقى الكيله بقت إردب
وإسدل سترك لينا ستاير
تستر كل عيوبنا يارب
وتوب ع العاصى وإهدى الحاير
وإطفى يارب نيران الحرب
وإن يوم جالنا أوقات ضيق
ندعى نقول عدلها يارب
وإن يوم شيئنا أيها شيئ
ماشئنا إلا ماشئت يارب
بقلم طارق السيد
أعجبني
