لازم نكمل الطريق
من غير هوا من غير دوا لازم نمشي ونكمل
إن كنا لوحدنا أو كنا سوا لازم نرضى ونتحمل
اخترنا طريق الصبر ولازم نمشي الطريق
وهنمشي لو من غير حبيب من غير صديق
الحزن لعبتنا الوهم سكتنا وصعب السكة تتحول
هنضحك ولو الضحكة مش م القلب طالعة
هنضحك ونداري ف ضحكتنا ألف دمعة ودمعة
وبيننا وبين نفسنا هنبكي أصل تعودنا قدامهم نمثل
بكرا لما نكبر وتضيع أيامنا وفرحة شبابنا
هنقول هو احنا سبنا العمر ولا هو اللي سابنا
العمر ماشي ما بيستناش أيامه مخلوقة عشان تتعاش مش بس فيها نتأمل
سيبك من الي راح وفكر ف اللي جاي
سيبك من أي جراح اصنع من الضلمة ضي
العمر عمرك حياتك ملكك أحلامك ليك متسبهاش حتى لو رفضت انها تتأول
من غير أحبة من غير أطبة لازم تقدر تعيش
حب نفسك لما تصدمك الدنيا ف ناس ما تساويش
كلنا عايشين كلنا ماشيين امشي الطريق وكمله وانسى إنه ممكن يرجع من الأول
لازم نكمل الطريق
خالدالمنصوري
7/7/2016
أعجبني
