---------قال موجوع--------------------
قال موجوع هو الوجع يدس
ولا الوجع يعرف ناس وناس
مكتوب على أنى أكون أسير وخلاص
ودموع سايله على خدى
بتكتب على كل شبر من أرضى
قال موجوع هو الوجع يدس
بتبكى على حبات الرمال
وفى قلب الريح رحل صوتى مع الموال
حزين والحزن كسرنى فينك يا أبويا فينك يا أمى
فين حدود بيتى فين حدود أرضى
قال موجوع هو الوجع يدس
أنا عايش ومش عايش ميت قبل ما ينتهى عمرى
حزين وعيونى بتبص يسلمك ربى يا وطنى العربى
ويرجع طير السلام يرفرف فى المكان
ويقول كفايه من الحرمان كفايه من الحرمان
قال موجوع هو الوجع يدس
الشاعر / على فياض البلصفورى
قطرات الندى

تعليق