سراديب الديب
زمن غريب زمن الأعاجيب
زمن وكترت فيه الألاعيب
الغزلان جوة السراديب
مابين الدببة وناب الديب
زي ماقالوا دا زمن المسخ
زمن خلاص مات فيه العيب
زمن بيرخص فيه الغالي
زمن بيقول فيه كله أنا مالي
لا ليا ف تورو ولا طحينو
ليه أشغل أنا بيه بالي
أنا هقفل شيشي وشباكي
وأهرب م الهم إللي وراكي
يادنيا ياملياكي وحوشك
مش عايز أعيش أنا جواكي
إسمع مني نصيحة ياصاحبي
ياللي في زمن المسخ بتحبي
إللي يمس غيرك هيمسك
مهما تنادي مايسمع حسك
هو كمان هيقول وأنا مالي
ماحستهوش إزاي هيحسك
ياللي لنفسك بس عايشها
ليه في شياكها قفلت ف شيشها
إفتح شباكها تخش الشمس
إزاي هتعيش لما إنت تحوشها
وحوشها تملي سنّة سنانها
وإللي بيشرد صيد علشانها
فكر تاني وعيش للكل
ولا ذكاوتك أنش أوانها
يقلم طارق السيد

تعليق