جيت التلات
جيت الأربع
ان شاء الله تيجى الخميس
بيك هتفرح عرايس
وتكبر الاحاسيس
وتلاقى الكل سعيد
لما يجى العيد
ينعاد على الناس كلها
والاطفال الفرحه تملاها
وتلاقى معاهم ماشى الحال
يلموا العيديه
من الام والاب والعم وكمان الخال
والشباب تقابل أصحابها
والدنيا مش سيعاها
يعيدوا الذكريات
اللى من كام عيد
يفتكروا ايام الطفوله
واللعب بالبلونه
وركوب المورجيحه
والجرى والتنطيط
وجريهم الصبح بدرى
ومروحهم كمان على الغيط
لا كنت تلاقى خبث
ولا تلاقى حد حويط
الشباب
الولاد
الكل بيفرح بالعيد
كل عام وانتم بخير
عيد فطر مبارك
كلمات
الشاعر نبيل محمد أمين

تعليق