وضوء الفجر
ياحرب ودايرة فى طرف حدودنا
يافتنة وشايعة فى أرض جدودنا
يا هم ياكامن جوه قلوبنا
ياحالف يوم أبدا ماتسيبنا
إبني فى عز شبابه آهو شاب
ياللي السلم دا ليكوا عذاب
قولتوا إن إنتوا جماعة دعوية
ثبتوا إن انتوا جماعة دموية
قولنا كفايه ماتهدوا شوية
صدرتولنا أوباما وهنية
إنتم منا ولا علينا
ولا أداة ف إيدين أعادينا
جندي مجند كل جنايته
إنه بيحمينا
إن كان فى المينا ولا حلايب
ولا فى سينا
ليه قتلتوه برصاصة الغدر
ليه يكون دمه وضوء للفجر
يمكن له زوحة بتستناه
يعود من تاني تعيش فى حماه
أو إبن صغير يترجاه
يقوم بأجازته يعود يرعاه
أو أم عجوزة مسنودة عليه
إن ييجي تحس خطاوي رجليه
ليه ظلمتوها مارحمتوا عجزها
ليه حرمتوها إبنها عكازها
دي دعوة أم لرب الكون
إن مسها ظلم تهد جبال
تلاقوا تعابينكوا تعود من تانى
باذن الله عصيان وحبال
ياشرطة ياجيش حميتونا نحميكوا
ياشرطة ياجيش أطلبوا نفديكوا
شهيدكوا عريس زفته فى الجنة
وليلة موته دى ليلة الحنة
بقلم طارق السيد
أعجبني
