الخميس : 23/6/2016
الساعه : 10،36 صباحآ
♥ سعيد عبد القادر السيد ♥
♥عاميه ♥
♥ حفيدي الحلو ♥

حفيدي الحلو أنت يا حفيدي
حبك بقلبي يجري بوريدي
فراقك همي و رجعوك عيدي
يا رب أشوفك تاني يا حبيبي
حفيدي الحلو أنت يا حفيدي
من يوم ما مشيت قلبي تاعبني
ضلمت البيت بفراقك يا أبني
أنا ليك غنيت و أنت حاببني
كنت عليها ترقص كده جنبي
حفيدي الحلو أنت يا حفيدي
تيجي بالسلامه أنت و أبوك
مامتك و خالك وكل يحبوك
وشوشو مرات خالك عنيها شالوك
جوه قلوبهم آه و يغنوك
حفيدي الحلو أنت يا حفيدي
شيماء وسامي ست الستات
أسمى المعاني سكر شربات
ما تكنش أناني حبها بالذات
شوشو حبيبتنا ليها السلامات
حفيدي الحلو أنت يا حفيدي
يجي و يشرف أه أبن خالك
تخده في حضنك حاله من حالك
تبقوا أصحاب يا جماله و جمالك
تزيده دلال ويا دلالك
حفيدي الحلو أنت يا حفيدي
لما تيجيني يبقى يوم عيدي

♥♥♥ بقلبي
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد