°°{{ لوم وعتاب إيه }}°°

كنت رايحله الومه واعاتبه
في اللي عامله في قلبي وقلبه
ولما وصلت لحد عنيه
سكت انا ماعرفش ليه
مالائيتش غير اني بقوله
وحشتني...!!

راح فين لومي وعتابي
وشكوتي من طول عذابي
اتاري غرامي وحناني
اكبر من كل حاجه
صحيح ياناس..صدق اللي قال
اللي يحب مايكرهش..!!

لومته وعاتبته لكن بالعكس
احلي كلام انا قولته وبس
رفرف قلبي وقلبه طار
خدنا الهوي اجمل مشوار
وتوّهنا الغرام....
مع احلي حكاية حُب..

تاهت كده عيونا
في عيون بعض ودوبنا
اتاري الهوي واخدنا
ولاأحلي حياه مودينا
لوم وعتاب ايه
هو احنا بينا ايه
غير الرضا والحنان..
صحيح ياناس..صدق اللي قال
اللي يحب مايكرهش...

ماهر البساطي..