كيوبيد ملاك الحب و الوفاق
ضربه ملاك الشقاوه بسهم المحبه
كيوبيد قلبه انفجر و كإنه بركان و فاق
فنزل ف صورة بشر و عشق م البشر شابه
سهامه عمرها ما خابت
و بيها انهزم قلبه
و مشاعره ف لحظه دابت
و الحب قام غلبه
الحب جديد عليه
و كان نفسه يجربه
لكن مسألش ليه
الحب غربه
كيوبيد بيسهر و يسرح كما العشاق
و ينام و يحلم يشوفها ف وسط احلامه
كيوبيد على طول ف حبه تملي مشتاق
دا كمان من كتر حبه مبقاش يقدر ينام
و ف لحظة اللقا بيلاقي القلب داب
يومها انزرع ف قلبه نار الاشتياق
بقت كلمة فراق بتزيد جواه عذاب
ف مات من كتر خوفه من لحظة الفراق
بقلمي دينا إبراهيم
أعجبني
