الأربعاء : 15/6/2016
الساعه : 8،28 صباحآ
$ سعيد عبد القادر السيد $
* عاميه *
# قالوا عليها #

قالوا عليها غلبانه
جناح مكسور يا ساده
طريه كالوساده
حنينه كلها سعاده
قالوا عليها غلبانه
وإحنا ليها ديابه
نثور على أي حاجه
المهم في الرجوله
تطلع عليها ساده
قالوا عليها غلبانه
إن جيت أصل الحقيقه
رغم حلوه و رقيقه
ليها مليون طريقه
تجيب ضغط و كأبه
قالوا عليها غلبانه
ورا كل عظيم
نقول كلام سليم
لكن من أي ناحيه
هو بقى عظيم
قالو عليها غلبانه
ممكن يكون مجروح
من غدرها مدبوح
و خيانه منها ليه
طلعت منه الروح
قالوا عليها غلبانه
تتمسكن آه و تتمكن
لحد لما تتحكم
تبقى حياته نار
قول عليه السلامه
قالوا عليها غلبانه
مش كله ذي بعضه
لكن فيه و فيه
اللي ربنا يحبه
للحلوه راح يهديه
قالوا عليها غلبانه
تقف تملي جنبه
في الشده و تواسيه
تخفف عنه همه
و بحضنها تهنيه
قالوا عليها غلبانه
ذي ما حوا فيها
آدم برضو فيه
شايف نفسه عليها
ربنا آه يهديه
ياخدها و يداديها
تبقى الجنه ليه
قالوا عليها غلبانه
جناح مكسور يا ساده

$$$ شعر
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد

التعليقات