وليه الدنيا ملهاش صوت
وكل الناس تملي سكوت
وليه الأرض تصبح بور
وقطر الموت هنا بيفوت

ومين يهتم،...
هنا سوريا ف وسط الدم
صراخها يدوّي ومين يهتم
بقتل وحرق ..جراح وألم

ومين يشفي عليل الأم
ومين يسمع لاي نداء
كأن الدنيا صبحت صُم

بتقفل ف الوشوش بابها
ويغرق طفلها باليم

ومين يهتم،....
ومين يسمع ومين يروي
وكل الناس كاسيها الهم
لسوريا ربنا موجود
يزيح عنها الجراح والهم

ومين يهتم،...
ارض الكرامه والشهامه
والمروءة والحكم
تشوفها الآن مجاري دم
تشوف الناس بقت أشلاء
وتلقي الجسم بقي أجزاء
كأن الدنيا صبحت غم

ومين يهتم،...
نساء ورجال، شيوخ وشباب
صراخهم دوّي في قلوبنا
ورحهم طالعه مع روحنا
وانا ابكي عشانهم دم

ومين يهتم،...
وسوريا ف عز نكباتها
ف عز جروحها وآلامها
بتدعي للعرب تتلم

ومين يهتم،...
وانا بكتب لكي سوريا
عشان ليكي حنين كالأم

وانا بسال ف نفسي سؤال
امتي تتغير الأحول؟
وترجع سوريا لديارها
وامتي ، للعرب تتلم ؟
وامتي للعرب تتلم؟
الشاعر/عبدالله رمضان عبدالله
‫#‏عبدالله_الأمير‬