بشاير الخير..... محمد ابو الفتح
شميت روايح جاية من السما و الأرض ملونة بالفرح و الضي
سألت ياناس ايه الخبر قالوا صحصح رمضان خلاص زمانه جاي
رفعت إيدي أحمد ربنا ونزلـت أهني الصحبةو الجيران من أهالي الحي
ده رمضان ده شهرالخيروالكرامة وماله بين كل شهور السـنه زي
القلوب بقت دافية وشوش بقت صافية كأنـها زرعة واتـروت بالمي
رمضان شهرالصفا ونفوس مصفصفة وكل واحد بيقول سماح ياخي
عيال وفرحة و فانوس بشمعه والعة نازلين على الكنافة وعجينها ني
كنافة وقطايف وحب ولطايف ولقــمة هنية وسهرة دينية وزردة شاي
ومسحراتي في كل شارع و حارة داير ليــلاتي واخــدها رايح وجاي
سحوريشبع وقرأن للذنب بيشفع وأذان يأذن الله أكبر الله أكبر الله حي
لقمة وخفيفة ونفوس نضيفة نــاكل والكل يجري على المساجد جري
أيام وسمحة وليالي شرحة وقلوب بتنده رمضان خــليك معــانا شوي
وأيامه تجري ماتقولش مجري وزمــان وطايــح بيطوي الليــالي طي
بعده بيهل عيدوالكل فرحان لابس جديد بيرمي الذنوب من سجله رمي

محمد ابو الفتح

تعليق