***** ميهمنيش *********
أجمل كلمات الأغانى للشاعر المنولوجست
عيسى عبد الرؤوف
***************************************
ميهمنيش كلام الناس
متهمنيش نظرة عينيهم
كل واحد على قلبى داس
ليا رب ومنه ليهم
لكن إنتى مش عشانى
جرحك إنتى جرح تانى
اعذرينى مقدرش أسامحك
غدرك إنتى يومها كوانى
رجعى شريط حياتك
إفتكرى يوم ذكرياتك
قومى صحى مره ضميرك
أخرجى بقه من سكاتك
صدقينى أنا مش بالوم
ولا غريق أو عايز أعوم
أنا جريح وبتمنى أنسى
جرحى منك لوحتى يوم
أنا قلبى مات ومالوش بديل
خلص النهار بقه كله ليل
هو إللى مات يرجع يعيش
لوكان صحيح هاتى الدليل
===================
الشاعر المنولوجست عيسى عبد الرؤوف
