التحدي
@@@@@@@
هيا هيا روح عفيه
نفس روح السبعينات
الإراده والتحدي والثبات
نفس روح السبعينات
الكرامه والشهامه والعادات
جندي واقف ع الحدود
بالعيون ....... الساهيرات
جندي واقف ع الحدود
صوته عالي بالآيات
جندي واقف ع الحدود
أي خطوه إبداعات
لما يفرح كان يكبّر
صوته أقوي م الدانات
فوق خدوده الشمس طله
تحكي ياما كتير حجات
تحكي قصة شعب ضحي
بالليالي ...... والساعات
تحكي قصة شعب ضحي
قلبه خايف ع البنات
ع الولاد ...... الطيبيين
ع الطيور .... السابحات
ع الكنائس ع الجوامع
ع العيون ... الباكيات
لجل مصر تكون سعيده
شفنا أكبر معجزات
لجل مصر تكون أبيه
صوتها عالي ف الساحات
لجل مصر تكون صبيه
بالعيون ...... الساحرات
لجل أختي لجل أخويا
اللي ضحي واللي مات
واللي عاشق لون ترابها
واللي جبها من شتات
هو مصري لونه قمحي
ف الطبيعه والسمات
كان بيحلم تبقي جنه
أرض فيها المعجزات
لما نور الله تجلي
جِه نبينا ف الميقات
لما نور الله تجلي
ع الجبال الراسيات
يعني سينا أرض طاهره
فيها كل الذكريات
قوم يا مصري إرمي بذره
تبقي شجره بالمئات
قوم يا مصري إسقي زرعك
تبقي جنه ف الواحات
قوم يا مصري إحمي نفسك
من جميع المهلكات
شوف جنودنا إزي بواسل
زي جيل السبعينات
اللي طهّر واللي عمّر
واللي حقق معجزات
@@@@@@@@
بقلم // طه إبراهيم
أعجبني
