إن كان ولا بد تقولهالها
وعيونك قالت تسألها
البنت إن حبت صدقني
هتشوفك ديما ابقالها
البنت أن حبت واتواجهت
احينا تنكر أقوالها
غير لما تحس انك شاري
تفتح لك بالروح أبوابها
البنت إن خافت ماتحبش
ويموت احساسها وماتحسش
والقلب بيقسى وماتحنش
فبلاش بالعند تقسيها
وإن حست انك مش ليها
مش ممكن ابدا تآمنلك
البنت حنانها إن كان ميزه
محتاجه لحد يطمنها
وحاجات بتكون حلوة لذيذه
أول ما ايديك تلمس ايديها
البنت حياة وكتاب مفتوح
ونسيم بيخلي الروح للروح
البنت اساسا مخاوفها
انك عن قصد تعنفها
فالجاي والرايح تخالفها
ومن كأس المر هتسقيها
فإن كان ولا بد تقولهالها
خليك الواد اللي في بالها
خليك الأب اللي بيحمى
والاخ اللي تملي بيحكي
والحب اللي تملي بيحيي
وبيشغل يومها ولياليها
