************* دويتو صغنطوته **************
كلمات الشاعر المنولوجست
عيسى عبد الرؤوف
******************************************
مبسوطه يابت ياصغنطوته
ولافه شعرك بالفوطه
ياجميله وحلوه ودلوعه
مع إنك قزعه وفطوته
.................................. أه منك أه يابابايا
.................................. يامشاكس ديماً ويايا
.................................. تعالى ونيمنى ف حضنك
.................................. علشان تحكيلى الحدوته
أوام بتجرى على نومك
وف لحظه غيرتى هدومك
وشربتى حليبك ياشقيه
وأكلتى كمان البسكوته
................................... منستشى حاجه ياباباتى
................................... أنا روحت وغطيت إخواتى
................................... منا شايله الهم وتعبانه
................................... علشان أنا بس البنوته
يارب يخليكى يانوسه
ياجميله ياحلو صغنطوته
وأشوفك ف الكوشه عروسه
وازعرت ليكى كام زغروته
.................................... عروسة إيه ياباباتى
...................................ياحبيبى وكل حياتى
.................................... أنا حفضل عايشه ف أحضانك
.................................... منا راضيه معاك ومبسوطه
==================================
هذا حق الأطفال علينا أتمنى أن يسمعها أطفالنا
مع تحياتى الشاعر المنولوجست / عيسى عبدالرؤوف
أعجبني
