... أرجوكي متبكيش قدامي ........
.................................................................
محبش عيونك الجميله حزينه
ولا أشـــــوفك ذليلة مسكينه
قهرة الألم اللي في عينيكي
خلتني ملهوف عليكي يا زينه
أرجوكي متبكيش قدامي
دموعك غاليه عليا
الاقيها في أحلامي
وفيها تعوم عينيا
أوجاعك في الامي
والامك عايشه فيا
وعيونك بتنور أيامي
وإنت قمـــر لياليــا
متعودش القاكي حزينه
وإيدك تلهلب إيــــديا
والشوق المزروع فينا
عطشان لإحساسك بيا
حبيت الدنيا عشانك
لما سقيتيني الحنيه
ولقيت عطر أغصانك
جمع الطيور حواليا
ورحيق زهور حنانك
فتح باب الأمــل ليا
صورتك قدامي جميله
ودموعك بتزيد جمالك
وسيرتك جوايا ضليله
تضلل مشوار أمالك
و عيونك الكحــــيله
تفرش عليا ظلالك
................................................................
.......... إحساس الشاعر / حسن الشـوان ......

تعليق