قصيدة ( جوازة الندامه )
الشاعر / عاطف عمر

أنا مش هعيش حياتي معاك....تحت الطلب
ولا هنسي انك بدأتها معايا ....بقلة أدب
كنت بحاول معاك تكون مهذب
تخلق مشاكل ودايما تكون انت السبب

صورتك معايا من البدايه....شكل تاني
وبعد ما سلمتلك....بقيت أناني
وعرفت شكلك الحقيقي وبان أمامي

كانت الحياة عندى معروفه بحبة معاني
وكنت بقول بكرة تتحقق أماني
وكنت رسملك صورة حلوه فى خيالي

كنت بخاف من العنوسة تقترب
وبسرعه قررت انى احب وأرتبط
وذهبت كرامتي وأنا بتسب وبنضرب

يا ريتها دامت العنوسه عليه
احسن وافضل من الجوازه ديه
وبعد ما بقيت أم...واولادى نن عيني
اطلب طلاقي وأشمت عوازلي فيه

اصبر شويه يمكن يحلها الحلال
وادعي عليه يمرض كدا فى الحال
وتجيله بلوه...ويسجن ويلبس الخلخال
ويا ريت يكون بالمؤبد....ويا ريت يكون أعدام

اصبر شويه يمكن يموت بالراحه
لا ضمير يأنبني ...وأكيد هكون مرتاحه

عنوسه أحسن وأفضل من جوازة الندامه
تعيشي كدا ملك نفسك..وتعيشي كدا استاذه
وجهك منور دايما...ولا عاهه تيجي بأزازه
وتكوني ملكة جمال...وتعيشي الحياة ب لذاذه..

تعليق