الشاعر المصرى شوقى غنيم
باتمنى ارجع من تاني طفل صغير
للشاعر المصرى شوقى غنيم
***************
باتمنى ارجع من تاني طفل صغير
والقى نفسي بين ايديكي
وشعري الابيض يسود ويتغير
وانا واخواتي بنلعب حواليكي
ساعتها يا امي ما في غيرك راح افكر
وافضل طالل لنظرة عينيكي
واتمنى افضل طول عمري صغير
وفي حضنك تدفيني وادفيكي
ومن تاني تراعيني لحد ما اكبر
وعيش من تاني معاكي سينيني
وعوضك بالحب على قد ماقدر
يمكن اسد جزئ من ديوني
بس اظاهر يا امي انا بحلم
صوتك جوه في قبرك بيناديني
بيقوللي تعالى يابني في حضني
شوف الجنه مكتوبه على جبيني
وانا بين ايدين الله الاكبر
وكتابي شايلاه بي يميني
وحواليه ملايكه في اجمل منظر
وطفل صغير من الجنه بيسقيني
وترابي من تحتي معطر
والجنه مد بصري وعيني
كدا يامه ارتحت وباشكر
ربي لحد ما الملايكه ليكي توديني
وارجع من تاني في حضنك
ومن اكواب الجنه تسقيني
***********
مع تحياتي
