ان شاء الله هتكلم معاكم عن المفارش 
اولا غرفة النوم:-
1-الملايات
12 طقم واقصى حاجه 20 مش اكتر احنا مش هنفتح محل ويوفضل تنوع الالوان والرسومات وتاكدى من الخامه لانى دى من الحاجات المهمه جدااااااااااااااااااااااااا لان لو الملايه مش مريحه مش هتعرفى تنامى عليها ومن الانواع الكويسه المجد والحريه والنجار دول اللى انا فاكره اسمهم واسعرهم عاليه بس مش مشكله لان ده حاجه استخدمها شبه يومى لازم تكون حاجه عليه علشان تعيش معاكى
2-الفوط
من 20 الى 30 مش اكترررررر ويفضل يكون فيهم فوط قطن بس فى فوط قطن نضيفه جدااا انا عن نفسى عروسه من قريب ومش بستخدم الفوط القطيفه ده خالص الا فى حالت وجود ضيف يعنى من الاخر ميغركيش شكل الفوط القطيفه مش بتنشف كويس ولازم يكون عندك 2 بشكير قطن يا جماعه وقد اعزر من انظر وطبعا لازم طقم بورنوس وكفايه طقم واحد
3- البطاطين 
كمان ده من الحاجات اللى العروسه بتكتر فيها مش عرفه ليه هما 
عدد2 بطانيه او 3 بكتيررررر
4- اللحاف
عدد 2 لحاف ويوفضل يكون واحد فيهم وش لحاف ووش بطانيه وكل لما تكون الخامه حلوه كل ما يكون مريح اكتر
5-الكبرتيات 
انا عن نفسى بحبها جداااااااا يعنى افرش الملايه واحط عليها الكبرتايه بتحافظ على الملايه من البهدلا وبتخلى شكل السرير حلو اوي
عدد2 او3 وياريت لو منها القطن الساده تحفه فى الصيف خفيفه 
6- مفرش الزينه 
وده من الحاجات اللى انا مش بايدها خالص لانه ملوش لازمه غير اول كام يوم وفى الاخر تحت السرير وقلب اما لو جبتى كبرتايه من التركى ده افضل من المفرش وعمليه او لو فى الشتاء لحاف شيك وده كفااااااااااااااااااااايه واحد علشان بتشل من الناس اللى بتشترى منه اتنين وتلاته وفى الاخر نرجع نندم ونقول يارتنى
7-مفرش الدفايه
تحفه وعمله جداااااااااااا فى الشتاء وعن تجربه ولو اطول اجيب اكتر من واحد مفيش مشكله (اللى هو عامل زى البطانيه بس مفرش)
وكمان هاتى كام وحده من الدفايات العديه حلو وعمليه
ثانيا غرفة الاطفال :-
1الملايات 
من6الى 10 اطقم ملايات اطفال مش اكتر 
مشكله ديما بتواجه كل اللى عنده مراتب جهزه ان الملايه مش بتسبت على السرير او صغيره (فى حالة انها صغيره يبقا المرتبه كبير و يفضل انا يكون ارتفاع مرتب 24 مش اكتر وده افضل حاجه لل سرير الاطفال)
2الفوط 
مفيش مشكله من فوط الاطفال لان لما يكون عندك بيبى هتستخدميها ليه لانه لازم يكون ليه حاجات خاصه بي فى الاستخدام
3- البطاطين
انا مش بحب بطاطين الاطفال بحسها خفيفه اوى ومش عمليه
4- اللحاف
مش كل اللحافه حلوه خلو بالكو بس فى لحاف انا شوفته عند عروسه ما شاء الله رائع هو وش لحاف ووش قطيفه تحفه اما اللحاف العادى مش بطال
5-الكبرتيات
جميله جدااااا للعرايس اللى عندها مراتب جهزه لانها ممكن تتفرش على السرير مكان الملايه لان الملايات مش بتسبت على السرير وانا عن نفسى بحب افرشها على السرير فممكن تجيبى منها اتنين مفيش مشكله هى عمليه جدااااااااااااااا غير ان شكلها حلو على السرير
6- مفارش الزينه 
وانا بقول لا ومليون لا مش عمليه ومش حلوه فى غرفة الطفال خالص لازم يكون فى تناسق يا جماعه
7-مفرش الدفايه 
ده من الحاجات اللى انا مش بقدر استغنا عنها فى الشتاء لو قدرتى تشترى اتنين اشترى لو لا هاتى واحد وخلاص وبجد مش هتندامى
وهاتى من الدفايا العديه كمان كام واحد 
اتمنا ان يكون الموضوع نال اعجبكم وياريت لو انا نسيت حاجه تقولو عليها