وسط قلوب
مبنيه بطوب
مبتؤمنش بالمكتوب
وسط غلان مابتعرف رحمه
وسط التوهه وسط الزحمه
ماشيه أدور على حنيه
حبة شوق أو نجمه شقيه
ترسم نور لعنيه شويه
أصل الكسر اللى ف نضارتى
زاد غشاوتها بقت مطفيه
وبرغم الضلمه العتمه النايمه
لسه بصيص النور قدامى
زارع بسمه طارحه أغانى
وبسأل تانى على عنوانى
ناس بتعدى البر التانى
يمكن صدفه ألقى مكانى
يمكن ألقى الحظ نادانى
فجأة لقيت الناس وخدانى
لطريق صعب أرجعه من تانى
وسط قلوب
شعر /عزة الزرقانى