ساعات بضحك وجوايا

وجع وانين وحزن كتير

ببص لنفسي ف مرايا

ملامحي اتغيرت بكتير

وبغمض عيني واتخيل

حياتي زمان وانا عيل

وصوت امي وانا بلعب

جهزت الاكل يا منيل

كفايه لعب ف الشارع

اتلم م الشمس وقيل

وابويا ياخدني ع الجامع

واشوف ناس واقفه وبتميل

بحاول اني اقلدهم

من غير ما اسأل بيعملوا أيه

وكان حلمي الوحيد يومها

اكون حافظ (الف/بيه )

اخاف لشيخ يعاقبني

ويشكي لابويا ويقوله

ابنك جاي ومش حافظ ليه

وحلمت اني اكون دكتور

او لاعب كوره ومشهور

وكل الناس تساندني

وفرحة امي ودموعها تقول ابني

لكن حلمي من التحقيق

طلع محظور

مع الايام كبر سني

ومين ع الدنيا هيعني

ابويا اصبح من العواجيز

واوقات فاقد التركيز

وامي الله يساعدها

التعب عجز ايدها

ومحتاجه ال يسندها

وشبعت من الحياه تنغيز

ف دوامة الحياه دايخ

ودم زماني بقا بايخ

وطعم العيشه بقا ماسخ

وحياتي اتلونت بالهم

فتحت عنيا وانا ببكي

جريت بدموعي ع مرايتي

لاجل اني اشوف نفسي

لقيت واحد بيشبهني

بيبكي عليا ودموعه كلون الدم

#رحلة_العمر

#الشاعرأحمدمحمد