قصيدة ( مدرسة الغش )

                         الشاعر عاطف عمر

                           القناطر الخيريه

من غير ذنب انا روحت بلاش.

لما انا شوفت الحق طشاش.

عيش نصاب او عيش غشاش.

فى الدنيا هتأكل جلاش.

هنعلمك ازاى هتعيش.

وان الباطل غيرهُ  مفيش.

زور وأرتيشي عيش بالعرض.

عصر المثاليات ...راح على الارض.

تهرب وتخدلك كام قرض.

الناس مش هتعرف ألاعيبك.

متخفي والكذب فى جيبك.

 بتحلف على حبة عينك.

تتعلم ...وتعلم غيرك.

كدا نظمن ان انت عظيم.

والناس تضربلك تعظيم.

جاهل محروم م التعليم.

وبقرشك هتعيش فى نعيم.

بفلوس الناس تتطلع مصيف.

تنصب....تقتل....وكمان تقصف.

واللهِ دى شكلك بئا يقرف.

استحي ...شكلك بئا شئ يكسف.

الناس هتجاملك  م الاخر.

ويقولو عليك انسان فاخر.

بس ...لا تنسي اليوم الاخر.

أنت وامثالك فى النار.

أمالنا ان ضميرك يصحي.

يمكن ترسيلك على مرسي.

ارجوك فكر ....وأياك تنسي.

كل الناس خلقت على الفطره ...فيهم الطيبه.

من اب عطوف....وام حنونه من القلب قريبه.

متقولش ازاى...دى لا هى صعبه ولا حاجه غريبه.

انا عارفك ...مغلوب على امرك.

جواك خير...لو حته صغيرة من قلبك.

وتأكد انى .....،عايز اسعدك.

جرب تبئا انسان تاني.

مجني عليه مره ...ومش جاني.

توب قبل ما تغيب م الدنيا...دى ممكن تتهد فى ثانيه.

ارجوك توب وارجع للحق...حتى ان كنت شايفه طشاش.

مش هتروح المره بلاش....مش هتروح واللهِ بلاش...

شكرا....