إضحك .. إضحك .. إضحك 

إملى الدنيا ضحك

دارى بيها عاللى شوفته

وعالجراح والدعك والعك

على اللى خانك 

وعاللى باعك

وع كل لحظة شك 

متسبش وجعك يهدك

و إهرب من قيودك فك

إضحك قبل ما الدنيا عليك تضحك

إضحك .. إضحك .. إضحك 

إياك تقول للغم يا عم

وتزيد فوق همومك هم

دنيتنا إيه غير صمة أكم

إهزم كل الصعب بضحكك

إضحك

إضحك قبل ما الدنيا عليك تضحك

إضحك .. إضحك .. إضحك

إضحك ع الضحكة وعيش

سكاتك وحده ميكفيش

ألمك فى ضلعك ميقويش

إيه فاد الحزن وغيره مفرحنيش

إضحك زى ما البحر بيضحك

إضحك

إضحك قبل ما الدنيا عليك تضحك

إضحك .. إضحك .. إضحك

..

إضحك ..

بقلمى .. 

أحمد جبر ..