جارى التحميل
استخدم زر ESC أو رجوع للعودة
♦الاسعار بقت نار♦
✏بقلم /عاطف بيومي محمد✏
الحياه بقت غلا فى الأسعار
والتاجر بيلعب مع الدولار
ولما تيجي تقوله الرحمه ياعم
يقولك ليه هو انا اللى رافع الاسعار
روح لوم الدوله يا حمار وبلاش تحتار
ده مهنش عليهم فى رمضان يخفضه
الأسعار والحياه فى عيد كمان نار
والظلم فيها بقى شعار
العيشه خلاص بقت مرار
والشباب المصرى ابتدا ينهار
ومعندهمش اختيار
غير السفر خارج البلد
وهو ده أفضل قرار
المستقبل خلاص انهار
والحلم حوطه الدمار
والمواطن الفقير بقي يرمي
نفسه تحت قضبان القطار
مش قادر يجيب لولاده فطار
مش قادر يعيش فى بلد
كل يوم والتاني تغلى فيها الأسعار
بسبب الأسعار المواطن الغلبان
مش لاقي فى بيته استقرار
مبقاش قادر يصرف على بيته
ولا قادر يتكلم عشان هو اختار
ويوم ما يقول خلاص
البلد أخيرا حنتلنا
يطلع من اوضه ملك
ويسكن كمان إيجار
عرف كده ان البلد
شيفاه صوره وسط اطار
والاصعب من كده
لو انطبق عليه الشروط
يستلم الشقه الايجار
ويشوف النور وتفتح الأزهار
وفى الاخر الازهار تبدل
وتتاكل من الجدار
بس نفسي أسأل سؤال
هو انتو ليا مش شيفنا خدامين ف الدار
وسيبين الحلم بيتكسر وبتملو تانى
الكاس عشان نستطعم المرار
مش كفايه بقى الظلم ومر
والعيشه وضياع وقصف العمر
هنفضل لامتي عيشين فى النار
ولو اتكلمنا مش هبنقى أولاد البلد الأحرار
يهاجمنا الإعلام اننا شوية كفار
يابلد بصي بقى للمواطن البسيط
ده لما بيجرى ع لقمه العيش
بيكون محتاج فيها لوسيط......
ولا انتو شيفينو فى البلد عبيط
ساحة النقاش