دعاء دينى /  الوسواس - أنا بوشين

أحمد جبر

.

عشمان فى عرض نجاة

يحمينى من العصيان

إهدينى يا رحمن

من شر الحاسدين

الشياطين 

متسلسلين

متصفدين 

وعن صيامى معزولين

.

إبليس جانى و غوانى

وف سكته ودانى

خلانى عبد تانى

إيمانه بين البينين

أنا بوشين 

.

وش بيضحك

وش بيبكى

وش بيفضح

ووش بيدعى

.

قلب بيضعف

قلب بيقوى

فكر بيثبت على التوحيد

.

أنا اللى ف لحظة ذنبى

بتوه عن دينى وأمشى

قال يعنى غصب عنى

لطريق الهالكين

.

وأنا اللى ف لحظة تانية

بتحول فى ثانية

وامسك فى فرصة غالية

تنورلى بصيص

.

محتاج غفرانك ليا

عفوك ورضاك عليا

يارب مليش حد يفهم

يحوينى بين إيديك

ولعرشك الكريم

.

أنا بوشين .. انا بوشين

يارب إسترنى

عرفنى طريقى فين

 يا إله العالمين

أعوذ بالله من الشيطان الرجيم