الومضة المتبرجة
_________________
وأنا أتابع الأفكار المتوالية لتطوير الومضة قلت في نفسي(وأنت ياواد يا أشرف مفيش حاجة في دماغك ولا الصيام عامل عمايله وبعد الفطار الكسل والنوم شايله والناس أهي رايحه تجري تكتب وتشرح عن شىء جديد وانت فين من ده كله ...ماتشوف كده هنا ولا هنا نوع جديد ولا فكره تكون حديد ..ادخل معاهم ادخل ودائر هو انت فاكر لما تقعد هينادولك ويقولوا لك خليك معانا
المهم
قمت أفتش في الورق بين ألف ومضه وخمس ميه طلعت ميه
نزل العرق طلعت منديل ورق مسحت بيه داب وباش
سألتني زوجتي ايه انتهى وايه منتهاش
قلت لها أصله طلع عل المعاش
يعني لو هتقعد هتفوت حياتك ولاحد فاكر انت ايه
قلت اسميها الومضة المتبرجة
مش عاوز واحدة تقول لي التبرج لا حرام
التبرج هو أفضل اسم ليها لما تقراها هتفهم ايه اللي بيها
نتكلم جد بقا
الومضة المتبرجة
_______________
___________________
هي ومضتان لا أكثر ولا أقل
الأولى ومضة مكتملة
الثانية ومضة مكتملة
الثانية تشرح الأولى
الثانية أضافت جمالا ورؤى للأولى
الثانية منحت الأولى أبعادا ومفهوما أوسع
مثل
تكريم
طلب معاشا يعينه؛ منحوه وسام الشجاعة
وضعوا الباقات على قبره؛ صاح أولاده:لانأكل الزهور.
.................................................
أنتظر رأيكم
واقتراحاتكم
لو شايفنها مش هتنفع بس تقولوا لي
لو شفتوها عاوزه حاجة قولوا ايه محتاجه
لو شايفنها حاجه هايله قولوا وهتبقى طايله
بس ماتخبوش عليه ولا تعاملوني بأسيه
ولا يمكن تقولوا هو ايه اشرف ده مالو
منين وصل للفكره ديه وازاي ده جالو
هو يعرف يكتب كلمتين
لما يكون عاوز يكتب حتى ومضه يسأل محمد أو حسين
ولما يكون عاوز يكتب قصيده بياخد من شعر شوقي أو جويده
ويقول ده شعري واحنا فهمينه خالص لكن بعد كده مش راح نوالس
هنقول للناس عل الحقيقة الناس خلاص صبحت جريئه.
مع تحياتي
أنتظركم
