لا تتزوج مُـدرِّسـة ( أستاذة ) مجلة روائع الفنون ( الشاعر أشرف مأمون ) الالكترونية

لا تتزوج

1_))..أستاذة ( مُدرِّسة )
كان يوما متعبا .منذ أن استيقظ وهو لم يركن للراحة .كان ينتظر أمام الباب خروجها حتى يغسل وجهه ويرتدى ثيابه ويمضي ..حين عاد في الثانية بعد الظهر .دخل تعثر في بعض الأحذية والحقائب .ورآهم يفترشون سجاد الصالة وهى تقف أمام السبورة تمسك الطبشورة .رمقها في نظارتها السميكة .وهي تشير لأحد الطلاب أن يقف ويجيب على السؤال
كيف توصل الزعيم لطريقة تجذب شعبه ويأتمرون بأمره .
كان العرق اللزج ينداح على جبينه ويحس به أنهارا على ظهره .دخل غرفته .سمع صوتها الزاعق .أراد أن يناديها يحس بالجوع .اقتربت منه وهي تنظر للطلاب .شوف أى حاجه دلوقت .انت شايف ورايا شغل
قال إن شاء الله هتخلصى أمتى ؟
قالت فيه لسه 3 مجموعات .ادعي لي.. ربنا يقويني.
لم يستطع ان ينام .كان صوتها وصوتهم ......حين انتهت من المجموعات
خرج إليها كانت تجلس أمام مكتبها ...ايه مش هنروح عند أختي الليلة عزمانا على عيد ميلادها .
...قالت وهي تمسك بالقلم الأحمر :.أنت شايف عندى تصحيخ كراسات الواجب .وكمان لسه هحضر دروس بكره .ممكن موَّجِه ييجي ولا مفتش ..شغلانه صعبة ......تحضير.. ودرجات.. وامتحانات ومراقبة. وتصحيح .وشرح واقعد ياواد اقعدي يابنت ...
قال : طيب اعملي لى كوباية شاي على ما البس
هو الشاي مشكله.. .حط الغلاي على البوتجاز ولقم الشاي ...و.و
كان يحاول ايجاد قميصه الأبيض وبنطلونه الرمادي ....فين اللبس انا مش لاقيه
قالت : ممكن يكون في الغسالة ....إلبس أى حاجه أنت رايح عند حد غريب .يعنى مش هتتصور فيديو هناك .
قال: أنا مش حاسس إنى فى شقة....... ايه ده ؟ كل حاجه فى حته .واطباق ولبس هنا وهناك .حتى الأولاد شايف إنهم فى وادى تانى .
قالت : ما انت مش بتقعد معاهم وتشوف فيعم إيه .......وكمان بيحبوا يسألوك عن حاجات تقول مش فاضى
قال : وأنتى روحتى فين .إمبارح سمعتك بتقولى ( لنهى ) لما سألتك عن شرح كلمة فى الكتاب قلتى لها هو هيبقى وش هناك وهنا .أسيبه هناك ألاقيه مستنينى ..أمال بتروحى المدرسة والدروس ليه علشان تريحى دماغي.
قال : انا مبقتش اتلم عليكي من مدرسة لدروس لتصحيح لتحضير وبعدين تنامي وكل يوم من ده .لا خروج ولا فسح ولا بنتكلم ولا بنزور حد ولا حد بيزورنا .حتى قرايبنا مبقناش نسألعنهم .ولا نشوفهم .ولا بناخد الأولاد لا مصيف ولا خروج .قالت وهى تقلب صفحات الكراسة .ايه ده ؟ معقول .ده خط يقابل بيه ربنا .زالتعليم في النازل .زفالحين بس يغنوا ويرقصوا ويلعبوا كوره ..استشاط غيظا .وشد منها الكراسة ........انتى ايه انا بكلمك تقولى خط ودايره ....
قالت : مفروض تفرح انى ست ناجحة
ناجحه .جبتى كام في الأمتحان .ومين صحح ورقك ؟.انتى ناجحه .والغريب بتقولى ست .....
...........................................
أيها الرجل إن لم تقدر .وتعرف أن هذا عملها .... وتكيِّف حياتك .........
إن كنت تحبها فلا تتزوجها .