والان مع فكرة المشروع:-

تعتمد فكرة عمل المشروع على استخدام نظرية كهربية قديمة كان اول اكتشاف لها منذ حوالى عام 1845 وتعتمد على ان اى نوعان مختلفين من المعادن لهما اختلاف فى الخواص الحرارية اذا عرضنا جزء الى حرارة والجزء الثانى الى برودة يتولد على طرفى المعدنين تيار كهربى 
وتطورت الفكرة الى ان اثبت العكس فعند تعريض طرفى المعدنين الى تيار كهربى مستمر طرف موجب وطرف سالب يعمل المعدن 1 على سحب الحرارة ويعمل المعدن 2 على طردها وهذا هو اساس فكرتنا اليوم فثلاجة يعنى سحب حرارة وهذا هو المطلوب جسم يسحب الحرارة حتى ولو من زجاجة ميا غازية ليحافظ على درجة برودتها فى ايام الحر الشديد.














والان يمكن وضع مبادلات حرارية على طرفى الشريحة لزيادة سطح انتقال الحرارة كما تعلمنا يا مهندسى التبريد والتكييف



والان شرح تفصيلى لمكونات الشريحة الحرارية 








والان يمكننا تكرار الفكرة بدمج اكبر عدد من الشرائح فى شريحة واحدة وتوصيله بالتوازى لزيادة كفائة الشريحة الواحدة






وبهذا تكون الشريحة الحرارية جاهزة للعمل ولقد تعمدت شرح فكره عملها وتركيبها لندرة هذة الانواع من الشرائح بالاسواق المصرية 





اولا مكونات المشروع

1 = الشريحة الحرارية





2 = ناقل حرارة مثل المستخدم فى تبريد البروسيسور باجهزة الكمبيوتر بنتيوم 2





3= ناقل حرارة مزود بمروحة مثل المستخدم فى اجهزة الكمبيوتر الحديثة




4= بعض الاسلاك والمعدات اللازمة لتنفيذ المشروع



نسيت ان اذكر اهم مكونات المشروع وهو ان تمتلك سيارة ذات مسند جانبى زى اللى فى العربية تيوتا كرولا كدة ورا الفتيس 
او ممكن تنفيذ الفكرة فى اى صندوق صغير دة لو معندش عربية لكن طبعا كلكم عندكم عربيات

والان نبدا فى تجهيز مكان العمل وهو مسند الذراع بالسيارة




نقوم بفتح الغطاء وازالة اى مخلفات موجودة بالحيز الداخلى للمسند







والان حاول برفق ان ترفع الغطاء الخاص بامسند وبرفق ختى لا ينكسر لان المفصل الخاص بة ضعيف الى حد ما المهم ان تحاول بطريقة ما ازلتة برفق حتى لا تحدث خسائر





هكذا قد ازلنا الغطاء بدون خسائر الحمد للة






فلابد من حدوث خسائر ولكن كلة يهون فى سبيل نجاح المشروع
فلابد من كسر حامل الاكواب الخلفى بالمسند وعموما انا لما اشتريت عربيتى كان مكسور اساسا بس اهو كان عامل منظر بس اللى هيبقى احلى من المنظر طعم الحاجة الساقعة فى عز الحر يلا كمل مشروعك


 

اول مشكلة ممكن تقابلنا بس على ميين دحنا مهندسين العرب طبعا احنا هنركب على طرف الشريحة الحرارية ناقل الحرارة المزود بمروحة لسحب الحرارة من الجهة الساخنة وطردها الى الحيز الخارجى الى السيارة يعنى لان الطرف البارد هيكون داخل علبة المسند لما فممكن يكون ناقل الحرارة كبير على حيز حامل الاكواب هنوسعة دلوقتى بمنشار مناسب ودلوقتى مفيش مشكلة



كدة اتحلت 





دلوقتى هنخرم من جوة والمسافة مش هتساعد لاستخدام شنيور او حتى منشار يبقى ممكن نستخدم مكواة لحام ونسيح بيها البلاستيك لحد منوصل للفتحة المطلوبة العملية اسهل مما يمكن



هانت متستعجلش كل حاجة بالصبر




ودلوقتى تمت بنجاح الف مبروك يلا نكمل






ودلوقتى هنركب ناقل الحرارة الداخلى المزود بمروحة يعنى لو شبهناة بدايرة تبردي عادية هنقول مروحة التبخير مثلا يعنى


طبعا لما نتكلم عن ثلاجة وحيز داخلى للثلاجة يبقى لازم نفتكر يا  ان الحيز الداخلى للثلاجة لازم يتعزل حراريا عن الحيز الخارجى لمنع او تقليل تسرب الحارارة الى الداخل 
ولان فكرتنا بسيطة فالمادة العازلة هنا بردو بسيطة وهى حاجة نعرفها كلنا ويمكن نكون كلنا شوفناها او استخدمناها وهو الشريط العازل اللى بنلفة على المواسير النحاس لما نيجى نركب جهاز اسبليت مثلا




وخطوة بخطوة كما تعودنا 
سنقوم بلصق الشريط العازل على الجدار الداخلى 




ودلوقتى يبقى خلصنا مرحلة العزل وممكن تلصق الشريط مرتيين بس تراعى ان المساحة الداخلية للمسند الجانبى صغيرة فيكفى حينئذن مرة واحدة 









ودلوقتى جة ميعاد شغل الكهرباء ومصدر الكهرباء كما ذكرنا سابقا يجب ان يكون تيار مستمر وكدة يبقى مية مية لان بطارية السيارة بتدينا طرف موجب وطرف سالب ويجب مراعاة التيار اللى هيبقى مكتوب على الشريحة الحرارية وحنا بنشتريها ولو مكنتش مناسبة لبطارية السيارة هنستخدم محول مناسب
بعد كدة هنوصل ونختبر الطرف البارد والساخن عشان نعرف هنركب الشريحة الحرارية فى اى اتجاة البارد نحية ناقل الحرارة اللى بداخل علبة المسند والساخن يلامس ناقل الحرارة اللى هيطرد السخونة للخارج فى حيز السيارة ولازم نوصل مفتاح مناسب لزيادة الامبير وهوريكم هنركبة ازاى 





وانسب مكان نعدى منة الاسلاك من البطارية الى الثلاجة 
فى فتحة بتبقى فى المكان الموضح بالصورة ديما ممكن نعدى منها الاسلاك





ولازم يا جماعة نراعى منظر السيارة العام فهنعدى الاسلاك بجوار مجارى اللى فى العربية بالشكل دة يعنى لما نقفل الكبوت وباب العربية الاسلاك مش هتبان خالص





ودلوقتى هنحاول ننظف مكان العمل وناخذ قسط من الراحة عشان انا تعبت وبعديين نبقى نكمل