الاجازة جاية عليا واكيد الاولاد محتاجين يرفهوا عن نفسهم ويلعبوا عشان كده النهاردة جبت اكتر من فكرة لتنفيذ العاب ليهم وممكن يشاركوا فى عملها لانها سهلة جدا وبسيطة .

والادوات المطلوبة لعمل الالعاب :

كراتين بيض - اسلاك رفيعة او شاليمو عصير - الوان - ورق مقوى ملون - مقص او كاتر - قلم رصاص - صمغ او شمع - عيون بلاستيك او زراير - صوف - كوب أو فنجان - كرتونة - قطن - ابرة وخيط - جليتر لامع او بودرة لامعة - خرامة ورق - كورتين بينج بونج - برطمان أو علبة .

الفكرة الاولى : سلال من الورق للحلويات .

الطريقة : 

نرسم على الورق المقوى الرسمة اللى نحبها باستخدام المسطرة عشان المقاسات تطلع مظبوطة . وتقصيها بالمقص وبعدين تخرمى الجوانب والطرف السفلى ومتخرميش الطرف العلوى . والصورة هتوضحلك ازاى .

بعد كده اوصلى بين القطع باستخدام الابرة والخيط زى مالصورة موضحة .

الفكرة الثانية : ألعاب صوفية صغيرة .

 

 

 

 

 

الطريقة :

ارسمى على الكرتون دائرة باستخدام الكوب او الفنجان

ارسمى بداخل الدائرة الاولى دائرة اصغر منها

قصى الدائرة الكبيرة و فرغى الدائرة الصغيرة

 ضعى الدائرتين على بعضواربطيهم بقطعة صوف

لفى الصوف على الدائرتين من الداخل للخارج لتكوين كورة من الصوف

قصى الصوف ولازم المقص يدخل بين الدائرتين

 اربطى الصوف بعد ماتقصية بقطعة صوف اخرى عشان ميتفكش

اسحبى الدائرتين بالراحة

لونى نص الكورتين بنفس لون الصوف والنص التانى الصقى عليه العيون او الزراير وقصى من الورق المقوى اذنين والصقيهم . 

وممكن كمان تضيفى ايادى وارجل وممكن تنفذى اكتر من شكل باكتر من لون .

الفكرة الثالثة : مقلمة للاقلام .

 الطريقة :

نظفى البرطمان كويس ونشفية وبعد كده الصقى عليه القطن بدون ترك فراغات والصقى عليه العيون والاذنين واستخدمى الاسلاك لعمل الشوارب .

 

 وممكن تنفذى اكتر من شكل باكتر من لون كل اللى هتعملية تغيرى شكل الاذنين وتلونى القطن .

 االفكرة الرابعة : حشرات من كراتين البيض .

الطريقة :

 وعشان تعملى حشرة زى دى بتجيبى كرتونة البيض وتقصيها بالطول اللى تحبية وممكن تفصلى الوحدات عن بعض وتوصلى بينهم عن طريق السلك او ممكن تخليها زى ماهى موصولة وتلوينيها وتضيفى عيون وتلصقى الشاليمو كأرجل .

الطريقة دى ممكن تنفذى بيها اكتر من شكل باكتر من لون .

 ويارب الافكار تعجبكوا

المصدر: Handmade Crafts

التحميلات المرفقة

asalet-sinaa

شرفتم موقعى انا هبه على من شمال سيناء - العريش عمرى 24 سنة بكالوريوس علوم بيئية و زراعية جامعة قناة السويس بعشق الاشغال اليدوية وأشغال الأبرة .

ساحة النقاش

heba ali

asalet-sinaa
هوايتى اشغال الابرة والتطريز والاشغال اليدوية »

ابحث

تسجيل الدخول

عدد زيارات الموقع

1,639,608