النصيحة الاولي اثناء لقائك مع المتبرعين(العميل)
================================
الأنماط الرئيسية للعملاء :
===============================
 علشان تضمن نجاح اسلوبك فى الاقتراب من العميل ,محتاج تكون ملم بانماط العملاء اللى بتسعى للتعامل معاهم وهنا هقدم لك الاحد عشرة نمطا اللى بتعد من اكثر الانماط انتشارا و تكرارا
*************
1- النمط المفكر
************* 
 ده النوع اللى بتلاقيه بيلتزم الصمت و التحفظ و يلتزم بالانصات الى عرضك و تقديمك دون ان ينطق بكلمة ,و هو دائما ما يتناولك بالتحليل 
 و انت بتتكلم مع النمط المفكر بيلزمك انك تحصل على ثقته وبيكون طريقك في كده انك بتحاول تكون حريص إنك توضحله انك تعرف كل شئ عن حملة رزق حلال وانجازات 1000 حياة وانك شديد الثقة فيها والايمان بها وركز على الأرقام بدقة وأوضحله الخطوات اللى بنشتغلها علشان نوصل لنسبة نجاح كبيرة فى المشروعات اللى بنعملها. زي مثلاً بحث الحالة ، وبخاصة تحليل المخدرات وكمان المتابعة للمشروعات ومدي فعاليتها وإليه اللى بنستهدفه من المتابعة وكه
 خلي بالك النمط المفكر من العملاء يعد ممتازا و يمكن اتمام البيع معه كما يمكن الاعتماد عليه عادة فى توسيع شبكة عملائك .. فممكن تسأله فى خلال الحوار أو نهايته أو بعد كده تتواصل معاه وتقوله حضرتك رأيك إيه نعرض الحملة دي على ناس تانية ممكن حضرتك ترشحلنا ميين نتواصل معاه .. ولو فعلاً اقتنع بيك واللى بتقوله هيديك ناس من الاخر هتتعاون معاك .. فإياك تفهم سكوته خلال الاستماع ليك فى بداية الحوار معه إنه مش هيتبرع أو مش هيكون فعال :)
************* 
2- النمط الايجابى :
************* 
 و هو اللى هتلاقيه بيتفق معاك فى اثناء عرضك و تقديمك و تراه يبتسم و يحرك راسه موافقا كما سوف يبدو عليه الاهتمام ( وممكن يكون بيعمل كده فقط ليتخلص منك :) فخلي بالك متفرحش أوي بالنمط اللى زي كده )
 وعند التعامل مع النمط الايجابى ينبغى عليك ان تكون مباشرا و ان تبين له مزايا الحملة بالنسبة للفقراء حتى تستثير حماسته بشأنها ثم تجعله يتأثر بعرضك و ينشغل معك وده بيكون من طريقة شغفك فى الكلام واحكيله قصص نجاح مشروعات سابقة في 1000 حياة وأد إيه ده أثر على دخل الأسرة ودخول الأطفال المدارس وغيرها من الاخبار الايجابية . 
 و هو من العملاء الذين يمكن اتمام الصفقة معاه لوقدرت انك تستغل فضوله و توجهه لصالحك فحاول وانته بتتكلم تديله مثلاً أمثلة زي واحد ادناله تروسيكل وعرف يشتري تروسيكل تانى أو اللى فتح مشروع تانى أو ان عليه ديون وسدد معظمها واتكلم بقه ازاى مشروع 1000 حياة نجح في ده بخطوات واضحة 
************* 
3- النمط السلبى 
************* 
 و هو النوع اللى هتستشعر فيه ميلا لعدم الاتفاق مع كل ما تقوله و طبيعته المتوجسه تجعله يشك فى معلوماتك و يعقد مقارنة بين الحملة دي وبين الحملات التانية لجهات تانية التى سبق له التعامل معاها ، هتلاقيه كاانه عاوز يقولك مش حابب أتعامل معاكم فى الحملة ، دائما هتلاقيه بيجادلك لاى سبب من الاسباب 
 و عندما يصادفك مثل هذا النمط ينبغى عليك ان تفهم ان لديه مشكلات شخصية ..تدفعه نحو هذا السلوك السلبى 
 لذلك امنحه دعمك الكامل و لا تلقى بالاستجابة السلبية و دعه يشعر بانك منحاز لجانبه - ودي نقطة مهمة جداً يعني وافقه إن فعلاً تخوفاته دي بتحصل فى جهات كتيرة واحنا فى الحملة بنحاول نتجنب ده بكذا وكذا . واحرص على ان يكون عرضك و تقديمك له ممتازين وحاول تبدأ معاه بأقل قيمة للتبرع وعرفه إنه مش هيكون خسران لو اتبرع بمبلغ بسيط ولما هيشوف النتيجة إن شاء الله هيبقي فرحان لأنه شارك في ثواب زي كده واقوله الواحد مش عارف ممكن العشرة عشرين حتيه ديه تبقي بابك للجنة أو تكفيز لذنوب أو تفريج الهموم اللى عنده :)
************* 
4- نمط الشخص اللطيف :
************* 
 انه انسان مهذب ,لطيف و لدية ابتسامة ظريفة و هو يمتلك عقلا متفتحا و يرغب فى ان يعامل كما يعامل هو الاخرين ،بس خلي بالك مبيحبش يحس أثناء الحوار إنه يشعر بالضغط عليه 
 لذلك احرص عند التعامل معه على ان تتحلى بالادب و اللطف و ايضا ان تكون منطقيا فعليك ان تبين له من أنت وتعرفه على نفسك وكمان عرفه أد إيه احنا عندنا مهنية واحترافية فى نجاح المشروعات الصغيرة للفقراء 
خلي بالك انه عميل ممتاز و يمكن اتمام الصفقة معاه بسهولة 
************* 
5-النمط الشمولى :
************* 
 هو لا يهتم فعلا بالتفاصيل الدقيقة بل ينظر الى الصورة باكملها و بوجه عام و يبدو على هذا النمط عدم الرغبة و عدم الاهتمام كما انه لا يحب الضغط فهو يريد ان تسير الامور وفقا لرغبته و فى الوقت الذى يناسبه و حتى تتعامل مع هذا النمط عليك ان تتجنب التفاصيل فى عرضك للحملة فلا تتخمه بمعلومات كثيرة احرص على ان تثير فضوله و حماسه للتبرع 
************* 
6-النمط المحدد :
************* 
 انه ذلك النوع الذى يحب ان يتناول معلوماتك بالتحليل و هو دائم البحث عن مزيد من التفاصيل و قد يدفعك هذا النمط الى الشعور بانك لا تمتلك معلومات كافية او ليس لديك معرفه كامله عن اللى بتتكلم فيه ، فهو يحب ان يعرف ما اذا كنت ذا ثقة و معرفة ام لا 
 عندما يقابلك مثل هذا النمط احرص على ان تكون متيقظا و متنبها لكل ما يقول وتحلى بالصدق و الصبر فى اجابتك على تساؤلاته و اجعل عرضك له مفصلا و مليئا بالمعلومات الدقيقة 
************* 
7- النمط العدوانى المغامر
************* 
 ده النوع اللى هتلاقي فى حديثه نوع من السلطة و تسمع كلماته عن الانجاز و الاهداف و هو عاده ما يقول اريد و احتاج معظم الوقت 
 بوجه عام هذا النمط جادا و لكن مهذبا و هو يبحث عن الحقائق و لديه القدرة على اتخاذ قرارات سريعة اذا ما اقتنع بان الحملة سوف ترفع مستوى الاداء و تحسن من النتائج ، وهو لا يحب الروتين و حتى يتسنى لك التعامل معه عليك ان تظهر له ثقتك بنفسك و ان تقدم له عرضا جيدا ,عليك ايضا ان تتوافق مع نغمة صوته فعليك مثلا على سبيل المثال يمكن ان تقول 
 ان هذه الحملة سوف تساعد على تحقيق نتايج عظيمة ممتازة وكن صادقا فانه اذا ما وثق فيك سوف يسعى نحو الدفع بخطى سريعة 
************* 
8-النمط المتخوف (الحذر ) :
************* 
 و هو يقع على الطرف النقيض من النمط العدوانى السابق فهو يفعل كل ما يمكنه سعيا لتجنب المشاكل و هذا النمط كثير الشكوك و الهواجس بشان كل شئ و هو لا يستطيع ان يتخذ قرار بنفسه فهو يحب ان يقوم بذلك شخصا اخر و اذا حدث و اصبح لزاما عليه ان يتخذ القرار بنفسه فانه يطلب النصيحه من الاخرين ، انه سوف يقدم على على التبرع فقط لو حس إن تبرعه هيخلي الناس تتجنب المشاكل لذلك فعند التعامل مع هذا النمط عليك بالصدق و اليقظه وتناول الموقف بخطى بطيئة احرص على ان تذكر كلمات مثل تجنب 
 فمثلا ان هذا المشروع سوف يساعد الفقراء على تجنب الديون أو اخراج أولادهم من المدرسة أو غيرها ,وعليك باطلاعه على رسائل العملاء الممتنين اللى اتبرعوا قبل كده وكانوا فرحانين بالتبرع ده وأد إيه حسوا إن فلوسهم اتحطت فى موضعها. و هو عادة ما يطلب المزيد من الوقت ليتأكد ان قراره صائبا سليما اديله وقته واديله الطرق اللى ممكن من خلالها يوصلك تانى أو انته نفسك ممكن تبقي تتصل بيه بعد كذا يوم يكون فكر 
************* 
9-نمط الشباب المتزوجين حديثاً :
************* 
 و هو قد يتمثل فى زوجين شابين حديثى الزواج او مقبلين على الزواج و يكون هذا النمط من العملاء اكثر اقداما و مخاطرة و حماسا و عند تعاملك مع هذا النمط احرص على اظهار الحماسة و الاقدام اجعل عرضك للحلمة مغريا و جذابا كن واثقا من نفسك و اجعلهم يشعرون بانهم يمتلكون فرصة العمر وأد إيه الانسان لما بيتبرع في بداية حياته الزوجية بنية الحفاظ على البركة فى البيت وإنهم كده بيبنوا حياة مبهجة مليئة بالرحمة والرأفة لأنهم بتبرعهم كانوا رحماء بالفقراء
************* 
10-نمط الناضجين :
************* 
 و هو العميل فى منتصف العمر أو الذى لديه اسره ووظيفة انه على درجه عاليه من التعليم و لديه طموح فى مستقبل افضل ويحب ان يشعر بانه يتخذ القرارات الصائبة 
 و حتى يتسنى لك التعامل مع الناضجين من العملاء احرص على ان تمتدح قراراته التى يتخذها و ان تجعله يشعر بالسمو و كن صديقا له ، وكلمه عن نفسك وعن أد إيه انته وغيرك اللى مشتركين فى الحملة زيه وفى كليات مختلفة ووظائف مختلفة ومتزوجين وكلنا نازلين علشان عارفين أد إيه الخير بيضيف لحياة البني آدم وممكن تديله قصة أو قصتين من الناس اللى انته تعرفهم عمله خير وكان اضافة بركة وفتح عليهم فى حياتهم 
************* 
11-نمط كبار السن :
************* 
 و هو قد يمتلك خبرة واسعة و ايضا الكثير من الوقت ، وهتلاقيه في العاده يشعر بانك تريد استغلاله بينما تتركز اهتمامته على الشعور بانه ذو قيمة و اهمية 
و هو قد يسال اعضاء اسرته و اصدقائه المساعده فى اتخاذ القرار 
 و حتى تنجح فى التعامل معه عليك ان تكون صبورا و تظهر رغبة فى الاستماع اليه و الى قصص حياته الطويلة 
تحلى بالصدق و كن ودودا و احرص على ان تزوده بحقائق كافية حتى يثق بك و يشعر بالامان 
 اجعل خطواتك معه بطيئه و هادئة .. وخلي كلامك حماسي وهادئ ومتتكلمش بسرعة وخلي يشاركك فى الكلام .. وهتلاقيه فى الآخر بيتبرع وهو في منتهي السعادة