الأسبوع اللي فات حصل تطورات كتير في موضوع الرسوم المسيئة للرسول الكريم "محمد" صلى الله عليه وسلم..

الجريدة الدانماركية نشرت اعتذارها بشكل مدفوع الأجر في أكتر من جريدة عربية..
ورئيس الوزراء الدانماركي أعلن في حوار مع قناة العربية الإخبارية أنه حزين لأن الرسوم انتشرت بين المسلمين وتسببت في مشكلة كبيرة، صحيح هو لم يعتذر عن نشرها لأنه قانونا لا يملك الاعتذار نيابة عن جريدة لا سيطرة له عليها..
لكنه أدرك جسامة اللي حصل..
وده طبعا كان بسبب حملة المقاطعة الشعبية اللي امتدت من المحيط للخليج..
وطبعا مفيش حد يقدر يقف ضد قرار المقاطعة أو ضد الغضب عشان رسول الله أو ضد الحمية على رسول الله، وماحدش يقدر يعترض على المظاهرات كواحدة من أهم الأساليب والطرق تحضرا في التعبير عن وجهات النظر..
لكن ممكن نختلف في الطريقة اللي تمت بيها..

يعني..

خدوا بالكم.. كل حاجة وليها رد فعل..
يعني مثلا بعد مظاهرات الغضب الصادقة وحملة المقاطعة المنظمة..
ارتفعت نسبة مبيعات القرآن الكريم في فرنسا إلى الضعف..
الناس هناك عاوزة تفهم..
وعشان يفهموا.. فهيقرءوا..
وبرضه صور اقتحام السفارات وحرق العربيات تصدرت كل صحف العالم ودي مشاهد ممكن تؤكد عند الغرب أن الإسلام دين عنف وتطرف..

شوف كده..
تحب تظهر قدام الغرب ازاي؟
تحب الإسلام يظهر ازاي؟
تحب تعاليم الرسول عليه الصلاة والسلام تظهر ازاي؟

كده؟	ولاّ		كده؟