فى ميت عساس
كلام الخلق كان كرباج
بيكوي الظلم
وكان الحب كاس داير
على العايشين
ماعرفوش الجراح والهم
وانا شاعر مابين الخلق
باتهجى الأمل فى حروف
ونبض الخوف بيألمني
ويقتل ناس
في ميت عساس
كلام الخلق كان كرباج
بيكوي الظلم
وكان الحب كاس داير
على العايشين
زمان لما الشجر بالحب
عاش مغروس
فى حضن الطين
سنين فاتت وناس ماتت
وسابت فى الخريف اوراق
يادوب لسة بتتنفس
بنفس ملامح الطيبة
اللى شايلاني عشان أكتب
فى ميت عساس
ـــــــــ
6/3/2014
ساحة النقاش