تمن(8) نخلات
وأرض كبيرة بتنادي
وصوت صافي بيبعت
للسما السابعة
أدان الفجر.وشمس
بتتكسف مني..!!!
خدود الصبح
مدهونة بحمَّار خدي
وبيعدي
لهيب الشمس فوق راسي
وانا لوحدي
بيغسلني أدان الضهر
تمن ركعات وبين منهم
حنين للنور
وحور
ومكان بيتحايل
علي روحي
وروحي بتتوجد
بالهمس فيتمايل
هوا عيوني
على أرض الخضار
بالحب
ويسقيني حنان مني.
ألمِّ خطاوي أيامي
واسافر بيها للماضي
فتهديني
أمل بكرا اللى كان
زكرى
فى أول حلم ناداني
فاعود تاني
أقيد الشمع يجي الليل
و يرسمني
تمن نخلات
وصوت صافي
بيبعت للسما السابعة
أدان الفجر
وشمس مُصرة
تكسفني...!

8/4/2011