لو هاتقفي
يوم قصادي في مرايتك
إرسمي بريشتك ملامحي
وإن عرفت إني أسامح
شخبطاتك
لوّني النظره في عيونك
وإكتبي بإيدك نهايتي
وإن مضيتي ....
جوه صورتك هاتلاقيني
ماضي عُمرك
وإنتي لسه زي ما إنتي
تمثيليه !!
(1)
شوقي ليكي
كافي نوني ( كن أكون.!)
وإنتي كنتي قمره عاليه
شمس .... تحضن أي كون .
تني حافظ شوقي ليكي وإنتي
وخداكي الظنون.!
(2)
ياااااااا .... أميره
شوفتي مره الحب أعمى ؟!!!
لو ،،، قابلتي ....
مره صُدفه حُب أعمي
ولا شوفتي ...
شعر أسمى من مشاعر
قلب شاعر
إبقي طفّي نار خيانتك
لسه جوا عنيكي قايده
واللهيب في النني واعر
قلبي شاعر .!
يا أسيره .. للكلام .....
اللي في عيوني
يامُنيره للفضا
والفضا سابح في كوني
ياعشيقة قلب عاشق للغرام
قلبي مُغرمّ
وإنتي خاينه للغرام
هابقي كونك
وإنتي أبدا لا تكوني
تمثيليه.!!!
المصدر: الشاعر/ علي قابيل
نشرت فى 12 مارس 2011
بواسطة alikabiel
جميله قوى ياعلى كلمات احساسها على وصادق يلمس القلوب بروعته
12 مارس 2011
شارك بالرد
1 ردود
الشاعرة الجميلة/ أميرة البدري
شكرا لكِ، فروعة حضورك طغت فوق روعة الكلمات
صديقكِ/ علي قابيل
30 مارس 2011
الشاعر/ علي عبد السلام علي قابيل
ياشاعر... للكلام معنى بيقرانا وبيسمعنا بيضحك لما نتبسم وبيطبب مواجعنا مانيش شاعر.! لكن شاعر هنا فى الكلمة 100 صورة. »
ابحث
تسجيل الدخول
عدد زيارات الموقع
42,924
ساحة النقاش