ميت ...
في نعش بطن الأم
حشاها كان رحيم بيا
بيوصِلني أنا وهيا
وليد .. ولابس
توبي كان أبيض
وباشرب ..
حبلها السُري
وأدوق
النبع حنيه .. وعايش
من زمان يعني
على جايزْ ... أوزّع
حُبي في أزايزْ
يامين ياخدْ
يامين عايزْ ... مكفّيه !
وفاضل ...
من سنين عُمري
اللي فاتت ...
يجي 100مليون
وضيف 100... وزوّد
بس لو عايزْ .. (ولاده) .!
وفاصل ... ضخ شريان الحياة
بالإيد ... وأول واء بتتشاهد
وأموت ...
من الخوف وأنا شاهد
على الدنيا
وأصوّر ... نظرتين
بالحب فى عيونها
تقول لوني ... وأنا
فعلا باكون لونها
ويحضنني
الحنين ليها وتوحشني
أبوس النن في عينيها
وأموت فيهاا .!
المصدر: الشاعر/ علي قابيل
نشرت فى 9 مارس 2011
بواسطة alikabiel
الشاعر/ علي عبد السلام علي قابيل
ياشاعر... للكلام معنى بيقرانا وبيسمعنا بيضحك لما نتبسم وبيطبب مواجعنا مانيش شاعر.! لكن شاعر هنا فى الكلمة 100 صورة. »
ابحث
تسجيل الدخول
عدد زيارات الموقع
42,941
ساحة النقاش